Charte de 1271
Percement du canal par Jean III, en 1271.
Nous, Jehans, Castelain de Lille, chevaliers, et nous li eskevin, li wit hommes, li jure et toute li communites due le ville de Lille, faisons asavoir à tous chiaus qui ces lettres verront et oront que télé est li convenence entre nous Jehan Castelain de Lille, d'une part, eskevins, wit homes, jure, et le communite de le ville de Lille d'autre part ; que jou, Jehans, Castelains devant dis, doi faire faire un fosse movant de le Bassee qui viengne tresci à Habourdin a men frait et a men coust, tel que le fosses doit avoir 40 pies de deuwe à autre et 4 pies deuwe au mains en este au plus sec tans, et sis pies de voie alun les u a l'autre, pour traire les nés. Et si doi faire aussi un fosse tout en autel point et de largeue et de profondeue et autel voie que devant est dit, mouvant de Habourdin, qui viengne tresci au liu la uon doit faire portes et de larient portes desous tresci en le Deûle derrière le folie. Et tout ce fosse movant de le Bassee et venant tresci en le Deûle, si que dit est, doi jou, Jehans Castelains devant dis, faire faire et faire fuir et faire voie de ses pies a lun les u a lautre et terre livrer a men frait et a men coust, arres de le tiere dou Ries qui est a le ville, cele tiere ne doi jou mie acater, mais le fosse tout ensi que deseure est dit idoi jou faire. Et si doi le rivière devant dite frankir de winaye, de tous paiages et de toutes autres prises a tous jours et de coût frankir doi jou donner as eskevins et au Gonsel de le vile de Lille lettres me dame le contesse et les moies lettres et lettres de tous segneurs qui droit idemandent. Et si doi faire pais a tous ceux qui moulins ont moulans de celé rivière, si avant que li rivière portera, que on n'en demandera ni ent a le ville de Lille, et si doi oster mes moulins de Habourdin tous nés. Et si doi faire un fosse tel qui puist porter navie dou bos dou ploie movant qui veigne trescie en celé rivière. Et est asavoir que jou doi tout avant faire faire le fosse bien et souffisaument si que dit est a men frait et a men coust de le Bassee tresci a Habourdin, ançois que li vile me paice nul denier. Et pour toutes ces oses faire bien et souffisaument, si que deseure est devise, nous li eskevin li wit home, li jure et toute li communites de le vile de Lille, devons donner au castelain devant dit, quinze cens livres dartois de le monoie de flandre, par si qu'il face les coses si que devant sunt dites. Et pour cou que toutes ces coses soient fermes et bien tenues et de lune partie et de lautre, avons nous ces présentes lettres saelees de nos seaus. Ce fu fait lan del incarnation notre Segneur mil ce et sissante et onse le dioels Rêvant le jour tout sains.
Source : Notes historiques sur Haubourdin et ses Seigneurs - Jean-Baptiste Tierce 1860